Skip to content

老人與狗

六月 21, 2016
dog
B.M.剛過了牛一,老一年,卻來個大breakthrough,新地方展開新生活。我人生都幾多breakthrough~ 好多嘢係迫出嚟~ 但最近的breakthrough卻玄到不得了~ 咩叫緣份,咩叫福報,真係體會過先知~

 
經過週末幾日密集式家務訓練,真係人都散~ 唔知係咪人老了~ 天光就醒…係六點左右…中午就好鬼眼瞓…越來越早睡早起,我已經算好,習慣11點左右就瞓,約下朋友仔晚飯都仲好平常。再老一點,不知道會否像新認識的三行伯伯一樣,晚上七點睡,零晨兩2點起床,話晨霧對身體好,做下耕地的雜事,清晨就去一盅兩件,九點就開工。七十多歲,卻跟六十歲無分別,還是壯如牛。嗯,期待新生活的training,一定對健康會有非常好的改變。
三行伯伯尤如活字典,什麼也懂。一位六零年代偷渡來港,再在港拜師,無架子,不會恃老賣老,隨和。伯伯有一隻超忠心的唐狗跟出跟入,無名的,認識的就叫牠細佬,伯伯呢,就咁叫佢狗仔。狗狗本來不屬於伯伯,是隔離村的一位主人。有一天,伯伯見牠在垃圾站附近徘徊,見牠可憐就餵牠,之後就隨尾跟他回家,妻子見到也覺奇怪,就開始買狗糧餵牠。狗狗自此死跟住伯伯,行到邊跟到邊,入村開工都跟在十步之內。B.M.本來是怕狗的人,不過只是不吠都可以接受的。之但係,聽到伯伯與狗狗故事,就覺得前主人好衰,要麼不要養狗,養就該負責任,毛孩也是生命,懂人性的。狗狗自從跟了伯伯,一次重遇舊主人,沒有搖尾卻反咬舊主人,憑其行為就知有幾憎舊主人。若非曾遭虐待,如此溫純的狗狗點會變得有攻擊性?狗狗唔肯沖涼,任誰捉去沖涼都哀號,離遠淋水亦然,好似有人想劏咗佢一樣,伯伯唯有雨天一定帶佢出街,趁機洗身。唉~ 陰公。。。前主人有幾衰真係不敢想像。。。
人亦一樣,待人如待己,是功德一種,亦是種福報的一種。你對人mean你癲你霸氣,你遇上的都是mean、癲與睬你都漇Q氣的事,吸引力法則就是這樣。
 
 
No comments yet

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: