Skip to content

「性格重塑營」爆seed

四月 14, 2016
【長文慎入】一個需要關注嘅課題:原來有朋友囡囡回顧中學「性格重塑營」爆seed,其實呢十年已經有呢D思想重塑營植入本地中學,當家長以為係軍訓營train absolute obedience 之時,其實裡面係包含同輩批判訓練同so-called 領袖訓練,即係咩?紅衛兵訓練營咯~
因為其中一環是要學生喊,懺悔曾經令老師激氣的事,要發誓以後唔做。聽落好似唔錯,但其實一般學生都只係欠功課,上堂唔專心之類,我認為唔駛去到懺悔同喊到崩潰呀,問題係借一個驟聽合理的理由,話係畀學生發洩同確認過錯個程度去到點。而且最大一問題一些學生,像我女同幾個『少數』同學,諗來諗去都無對唔住老師,就被認為係對個心唔誠實,唔能夠『達標』,畀隊友放逐埋一邊。(問,咁同紅衛兵有咩分別?你無錯?真係無錯?咁咪最大嘅錯啦,人點解無錯,唔肯面對自己過錯就係錯。你見到老師無幫佢拎簿就係錯啦,錯你一定要搵出,認。 — 朋友」
唔查唔知「性格塑造」一詞係合乎教署指引!指引指出課外活動功能需符合功能第二章第三點:
//三、 促進學生的個人發展,使他們將興趣範圍擴大,發展本身的潛能,並且為他們提供性格塑造及領袖訓練的機會;//
你意見屬於少數,導師就會扇動大多數去排斥呢少數人,直至佢地因壓力下向老師懺悔,承認自己嘅「過錯」。咩事!?點解少數意見就係過錯!?批判思考訓練呢?教署其實就課外活動係有指引:
//目標九:學習技能 ——思考及推理
學校應幫助學生培養符合邏輯、獨立和有創意的思考,作理智的決定,獨力或與人合作解決問題,以及應付壓力和面對轉變。 – 25頁//
你家下叫締造和諧氣氛?即係不能令少數共存就叫「和諧」啦!恭喜你終於附合教署指引呀! #曲線要講明
//長遠而言,導師專業意識的提高、在職培訓、校方與家長的支持及營造學校融洽的氣氛都是課外活動雪球滾動的開始 。 學生投入活動時間過多與不足都是同樣不適當的。個中的平衡、監察與輔導,正是導師所應發揮的調節作用。- 9頁//
好嘞~ 更離譜係,懺悔完有懲罰,係咩呢?唔係掌上壓,鴨仔跳,係幫導師揼骨,乜料呀?性搔擾呀?單呢點已經違背教署課外活動指引(註一):
//目標十三:個人品格及德行
學校應與家長和其他方面,合力輔助學生的個人成長,幫助他們培養正確的道德觀念,及為身心成長作好準備。 — 26頁//
好嘞~ 最最奇係,因為訓練營係某種原因不容許在校老師參與,話會影響效能云云。監管呢?去咗邊?
//責任與法律問題
校方於學校舉辦的課外活動中負有 監 督 的 責 任 。活動中教師有責任照顧學生,如同一個父親或母親照顧其子女般。- 20頁//
—————————————-
其實早兩日李臻先出咗篇文《虛偽的種子》
家長唔係應該去了解課外活動玩乜0架咩?學校更加有責任去去篩選課程設計,乜老師在場效能會受影響絕對係Bull Shit!!!!! 所有課程SFQ係一個重點,一味聽單方吹到個課程/訓練營有幾誇啦啦,已經違背教師該有嘅批判力同尊業。
Leadership training 有好多做法,就算你要train absolute obedience 執行軍訓,懲罰都有好多種。我聽完都覺得朋友囡囡嘅回顧都O晒咀!
下一篇分享多一點領袖訓練有關嘅二三事~
【註一】教署指引:
延伸閱讀:
No comments yet

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: