Skip to content

辦公室EQ訓練攻略(二)

十月 29, 2010

今日又發生另一單事令B.M.不得不揀接上回,繼續報導。先講今日。話說阿0靚妹份人永遠不會依「法」行事,自有自工作模式,cheating 是她的強項。偏偏遇上天生執著兼老實,被人話擔X唔偷食的B.M.,一切以「法」行先,想必是因為B.M.曾是老師之餘,亦「信奉」Institutional Theory 的威力,因此只會跟她對著幹。B.M.好憎人不依按本子辦事,你可以話B.M.死板,只係該活時B.M.卻不會死板,只不過B.M.覺得原則是有維護的必要。

天生A字膊的,商場應該大把人,只係要B.M.接,sorry,no way!早幾天阿0靚妹自己攪錯,令B.M.在系統上更正的資料有錯,另一team 差點想向B.M.發作之時,大家才發現始作俑者是阿0靚妹。B.M.第一時間知會老闆,老闆決定今次給她上一課,決定出絕招,公事公辦兼將事件升級。

今日又多一單,還要是B.M.臨收工前才爆,今次還是跟她合作的兩個party 也有份,正一「鐵」三角,衰埋一堆,ways of working亂過亂葬崗。B.M.想衰d 講句,「唔知食咩大」。幸得老闆也打算召開同級大會時叉那「三角」中的主角。原來過往兩年,阿0靚妹的way of working 都係一直遷就「三角裡的主角」,而B.M.的師兄亦過招不及要去適應阿主角工作的同一個模式。當大環境要consistent 講中央集權兼歸一化時,你一個人攪特別要人家就你way of working ,你咩大呀?B.M.還要發現阿0靚妹同team 另一位team mate 亦要如此相就好久了。過往兩年,老闆只知阿主角跟師兄經常擺擂台陣,卻不知問題結癥所在。因為只懂用一個亂字去形容阿主角,不懂以其行為及思維模式加以分析,附以實體證據支持論點。或者B.M.是多事,又或者B.M.自己research 底已慣於作行為分析以及如何立論吧!老闆就決定一次過讓B.M.搜集所有有關證據去叉阿主角。至於阿0靚妹,早幾日前老闆的公事公辦對她將會是一隻大大鑊,是次絕對能夠visualize institution 威力 — 以Rules 去shape 人的behavior。B.M.還要等明天才親自卸番隻鑊給她。

朋友說,「你好衰,揀星期五,等人地無得Happy Friday」。Well,媽子教落,做人要留有餘地,一係唔出手,一出手就要重重一擊,見血封喉。因此唔到最critical moment 都唔會出手,得饒人處且饒人。早幾日前大家有過節又如何,B.M.依然可以同同阿0靚妹同枱食飯兼吹水,因為B.M.本來就是一個對事不對人的人,但不代表不會防你。

好嘞。遇上阿0靚妹又想卸膊B.M.會如何調整EQ呢?多得阿文地:

我們都希望做一個“不正常”的打工仔。[原址]

不過B.M.慶幸仲好「不正常」~~~~ 哈哈……XDDDD

廣告
No comments yet

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: