Skip to content

假期後遺症

十月 7, 2010

工作間,你會想放假嗎?B.M.唔想。今日同另一同事午飯閒談,大家都係一樣,都會選擇要清假先去放。因為大家都知放假等於惡夢的預告,一開工的假期後遺症可大可小。同事跟進,不是不信人家的工作能力,只怕有什麼鑊會要自己也負責一份,因為small potato 並不是放假大晒。

國慶放假的人一大籮,內地的、自己公司的、物流的,結果呢?B.M.這些「後援」就做到得閒死唔得閒病。這邊廂,萬七個電話查詢趕國慶假後高峰船期,要兼做埋心理輔導,「慢慢來,不用急(普通話)。是是是,我非常明白你的處境。」、「無問題,我幫你同阿乜乜跟進啦!Keep you update. 」,仲要保持hotline 常用的聲音,偏高八度而pleasant的服務態度。那邊廂在國內物流公司早一天上班,電話打十世都是:「線路繁忙,請等一等,或者按2輸入分機號碼。」,直頭想打爆個電話。唯一解決方法就是用電郵「炸」人郵箱 — work 喎!竟‧然‧即‧覆!與此同時,英國又十萬九千個電郵催清關文件,另一邊廠家又卻不生性地同一件貨次次都欠有關文件累至貨物扣關,話明要電子版後補原件,都仍然只寄原件。好嘞,有廠家電子版嘞,又到英國軟件開唔到。點呢?最原始FAX啦!嘿!點知原始真係原始,廿分鐘都未打通!!!最後由B.M.打印後再re-scan 電子版解決。真唔明,d 人蠢,連機械都咁鈍,仲要非常時期…… 忙到不知時間過,連約了老闆開會做inital appraisal時間也過。幸好老闆就坐在旁邊,知道B.M.忙到一頭煙,應酬一個又一個電話,自動提出改期,係「又」改期,亦「又」係因為B.M.實在行唔開。點解公司電話無免提呢?今日似做接線生多囉。仲要碰上竟然連試用期未過,就突然要B.M.今個月負責company-wise 的monthly report,跟各團隊合作拆掂個系統問題報告。吁~~~ 六點多,終於可以暫停,來杯同事「萬歲」的薑母珍珠……多得同team阿哥哥仔見到B.M.未停過連水都未有機會飲啖時自動請纓,「乜乜我攪啦」。無他的,因為阿哥哥仔負責的早已亂到九彩,hae 住攪都唔驚孭鑊,而且十有六七係無得攪。

文件,次次付運一式一樣,B.M.唔明點解d廠家依然次次都係拖到裙甩褲甩。Finance 阿姐今早影印機相遇,一句早晨後就問B.M.習慣嗎?B.M.想一想,就好玄地答:「哦,好似跑步未跑直路…」話音未落,阿姐就接落去「跑斜路嘛!哈哈……」大家相視而笑。

P.S. 謝謝飯腳,因巧遇而收到的黃昏變晨早的NZ手信,為有氣無訂抖的一天注入大量正能量。

No comments yet

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: