Skip to content

至潮能量塔 Orgonite

一月 16, 2017

能量塔又叫Orgonite 此名是由奧地利醫生專臨床心理學,兼同著名費洛爾德心理學家(Sigmund Freud)為同儕的Dr. Wilhelm Reich所命名,是一件水晶和導電金屬混凝於樹脂內的聚合擺設,其理論源於三、四十年代。Dr. Reich發現乙太能量或生命能轉化器可以轉化人類負能量為正能量,一般水晶只能加持正能量,是不能做到轉化負能量的功效,而能量塔則可以。為什麼呢? 因為其形狀、幾何結構、內裡材料及其比例令能量塔能夠跟自然力量「溝通」,兼帶動整體的磁場。汽車曉郁因為有副engine,在帶動整體磁場的運作下,能量塔就是那engine。能量負轉正這功能則是由1986年德國馬爾堡大學科學家研究印證出來。

有幾勁?配合生肖、家居風水,除了能淨化家裡負能量,包括輻射,轉化為正能量,更能催旺自身,所以基本是一定是每個人的能量塔都是不同組合。

BM現打算2月底能量塔DIY招生,6人小班教學,日期將會是2月最後一個星期六上午10點,地點尚研閱(地址: 旺角通菜街1A-1F,威達商業大廈508室),大概3小時,如果人數不夠就不開,$888包一個5cm X 5cm能量塔及工具拿走,有意則Facebook 粉絲專頁INBOX報名~ (需報名時提供八字及電話號碼)

按此直達:https://www.facebook.com/bakingmaniac.bm/

歡迎自組班底及安排地方 (價錢每位減一百)

嚴浩老師亦曾寫過有關能量塔的分享,同時,現在DJ好多亦已擁有自己的能量塔,非常流行喲!

對對對,經過這兩年奇遇,忘了跟大家從新自我介紹,BM現正式撈埋術數,並已起命為Da姐,承接大妗速配服務、八字生肖簡批、以及數字易經本命流年及電話詳批。

Da姐簡介

師承來自台灣亞洲數易之王林滿圓老師、蔡氏風水命理(哪個姓蔡?你懂的!),主中式傳統嫁娶禮儀、數字易經及家居風水。

 

 

棄養就是仆街!

十二月 8, 2016

七月搬入現居, 就跟狗狗結下不解之緣,鄰家的狗日日過來。鴛鴦,是我改的名,大概一歲(目測),是狗媽的第4胎。這狗狗不知怎麼原因,非常喜歡過來,我地本身無養開狗,充其量只能提供糧水,暫時亦沒有能力添加一個家庭成員。
狗主超PK,佢地採取放養態度,但範圍局限屋企後園(同我家前園相通),對佢家嚟講,狗只係看門畜牲,4歲多狗媽已被第一胎兒子又搞大個肚,最近生多兩隻小狗,現約3個月,全部狗都唔沖涼,七月大熱天時,甚至連足夠的水都沒有,全部狗過來飲水,狗媽亦不夠奶,最近連3個月大的小狗也過來食糧,目測不夠飽。你會問,點解唔絕育? 佢地概念係, 困住佢,唔俾佢同出面D狗有交流自然唔會生!同埋做絕育要錢!所以從小學少主得知,佢地竟然軟禁狗媽,一日放4次出後園大小二便,仲嫌狗媽食得多。狗狗一般會日日早晚過嚟食糧,估計係因為全部都餓!

::: 狗媽與二狗B ::

跟鴛鴦同一胎的小狗奶茶(囡),今早從狗主工人姐姐證實狗主專登車走棄養,最慘唔知車去邊。聽聞本來想連同鴛鴦一同車走,好彩當時鴛鴦唔知匿咗去邊,狗主搵唔到。工人姐姐告之,下一隻,一定係鴛鴦,就等狗主得閒就會車去棄養。

上:被棄養的奶茶小時候,估計因為毛囊蟲爛面嫌醜樣

這個slideshow需要JavaScript。

:::可憐的鴛鴦 :::

鴛鴦面上有傷(見上圖),只知結痂痕佢又抓損,沒完沒了,警覺性高,可摸頭但隔離業主(不是狗主)嘗試為牠帶防虱帶不成功,差點被咬。這小狗很有性,有雞雞叫sit 曉坐。作為鄰居,我唔想見到佢被棄養。懇請有心人可以提出幫助,救走小狗鴛鴦。

yuenyurn06

:::鴛鴦未出事前係好靚仔0架!旁邊聽少主講叫Rocky ,就是二狗B之父,狗媽第一胎仔。:::

更新:聯絡上RCAP 等毛守回覆。同時亦因為今次了解到毛囊蟲的知識,謝謝RCAP哥哥初步評估,並提醒要食低蛋白餐,免得令情況惡化。

延伸閱讀:

1. 奶茶

謍。婚禮統籌系列 – 美女與野獸婚禮主題

十二月 7, 2016

謍。婚禮統籌 系列】

坊間不少婚禮統籌公司,都是以罐頭服務為主,就是所謂的A餐、B餐、C餐。一般新人呢,自己有概念,卻不知如何實行而不失禮,婚禮統籌最重要的角色就是在種種細節把關,務求盡美之餘,不能令賓客焦點錯放,那就是說,A餐B餐C餐的模式不好麼? 又不是喲!只是由於處理開公關活動也知,突發性事件太多,同時又要在新人、家人的意願中拿捏一個平衡,少點心血也不行。然而,罐頭套餐就未能百分百處理突發性事件咯~

美女與野獸真人版好快就上映,2017 雙春兼潤月結婚好年,誓必成為大熱婚禮主題,問題就來啦~ 藍黃為主色的婚禮有一個嚴重問題,就如果行傳統中式婚禮,Beast 的禮服同死人藍相近,那就犯長輩大忌。或許你說,外國一向流行婚禮要有Something New, Something Old, Something Borrow, Something Blue 嘛~ 此blue 不如彼blue呀! 你打開色版就知,這裡的Something blue 大多數指baby blue,就是淺粉藍。

先由backdrop 說說,香港地printing要分royal blue 同殯儀藍係好難,十成會出後者,出事機率非常高。所以用royal blue 不能用 printed effect 要用全絲絨,同時因為絲絨的光影面,是印刷不能表達的。Royal Blue 色澤 & 質感,在絲或絲絨下的表現。如在 printed matters 需要將色調至這種。那黃,如走真人版,不是明黃不是啡,是一種啞香檳金(如下二圖)。如走卡通版則用大蛋黃色,要走 beauty & beast style,紅玫瑰絕不能少,用 Bell 頸上的黃寶石也可。

不過,坊間有幾多婚禮統籌會這樣對顏色有一定的執著? 這是需要有室內設計 X 印刷及經驗的底,這就是專業!

bb_weddingtheme

這款藍就是Royal Blue printing 要出的[Credits: Jessica Frey]

yellow-navy-wedding-beauty-beast-inspiration-19

枱中間的布及杯入面的餐巾就是啞香檳金色 [Credits: Jessica Frey]

Back drop 要表現Royal 的感覺,只需用一個oval ring/ ornament frame 用來框 wedding logo ,即新人的Initial 或英文名,如多於一個就會太多似亂拼,從而出現視覺錯導。重點是結婚雖然要事事成雙成對,無人會放兩個剪影相框。如果出現剪影框,前面還要放花是大忌,因為似靈堂。用雙頭像分相框,尤其在華人地方,婚禮要將兩個頭像側影放在一起,面對面,但一舨是不建議這樣做,因為真係睬過你大吉利是。

結過婚讀過下婚禮統籌證書不代表你可以做一位稱職的婚禮統籌,一位稱職而專業的婚禮統籌要細心、具臨場執生能力及搭台景的design & color sense、熟識嫁娶禁忌,而公關手腕及時間管理能力更是基本要求。

 

 

術數與緣

十二月 7, 2016

%e7%b7%a3

[圖自互聯網]

B.M.改了名叫Adia,為什麼呢? 呵呵~ 因為B.M.正向神婆之路進發! 修了數字易經之後,再修八字風水~ 十年修行剛開始,梗係要選一個好!多咀分享多點,學術數不是迷信,術數本是大數據,也算得上是人文科學,特別在原來這行業是要命中注定。當你八字十神偏印為多,就注定要入行,醫卜星相,總會專其中一瓣,上天也會安排你遇上不同的契機。那是否會浪費本科? 非也,因為機會是留給有準備的人,本科及之前走的路,就是造就今日你遇上的契機。

之前的英文名Belinda跟本命元素太多一樣,絕命磁場多,造就兜兜轉轉起起落落。或者你話,名是父母俾,點解轉?命運命運,命已是父母給,改不了,點解運不能改?人自出生已有自主權,雖當中逃不過世代孽障。好多人誤會,改運就是要大富大貴,其實改運並非為大富大貴,因為能否大富大貴是命,改運是讓你的人生過得舒服一點,遠小人,劫難變輕,出事多貴人。

佛家講因果,能夠普渡眾生是一件很偉大的事,我可沒有這樣的能耐,但學術數,當你越了解不同派別越多,你漸心寬,為什麼呢?因果定論下,回顧過去,你會發現,巧合並非巧合,是你之前種下的緣,孽障也一樣。

人家要承受子女離家出走,是孽債,可以是今生也可以是上一世種下的因。你沒有盡孝,自然上天會安排一個契機讓你受同樣之痛。同時,當你責備子女之時,子女未必認同同樣立場,因為子女也是命運安排的一部分。子女命運遇上的,是他們的造化,但同時也在履行他們的命及家居風水磁場。算流年時子女明明正行大運,為什麼出事?就是說明子女是來還債,於本命太歲相沖之年出事,以應此劫。父母要解決,也是命中注定的。時間會改變彼此的關係,由熱到冷是自作孽,由冷到熱是個人所做的功德多寡。只是,再要配合各方自己所付出,這裡的付出並不是指金錢。錢為世俗之物,只能種功德,謀生活,這裡說的付出,是指打開心窗說亮話,真誠去接受同包容對方所有生活上的選擇,而非為強迫他人跟自己思維及價值觀行事,犯口孽繼而動武。

總而言之,世事巧合,是個人功德,也是天的憐憫,同時也是個人的孽債,以及因果循環。

自己的香港自己救? Bull shit!

十二月 4, 2016

點解咁燥? 今天週年紀念,老公預先訂枱食afternoon tea buffet,選擇了5 年前Big Day Celebration Hotel ICON的The Market。5年前,無論食物質素、服務態度都值得高度讚揚,理大酒店管理是亞洲第一,7年前好友是HTM 系博士生,無論是做學問、廚藝還是對服務的執著都是有的。

今日卻大失所望!當佐敦老牌3星百樂酒店都會為客拉門時,唯港薈一入門口,bell boy 似乎請晒傷殘人士,大門長開, bell boy全部用腳頂住,那買一塊門塞就可以啦(淘寶只需5蚊!)!哪用請bell boy? 或乾脆用自動門就ok 啦!臨走原來連經理也成個人頂住度門跟下屬吹水,NO WONDER!上樑不正下樑歪!

一入餐廳,侍應一字排開,接待說枱號,出一位侍應帶路,餐廳大,傻的也知道用walkie-talkie,這是常識,要建立酒店品牌,不是這樣down grade 法,人仔不是這樣賺。這裡要讚一讚咖啡弄,他們的usher process 就做得很出色。

到食物,款式算多,只是質素大不如前,平價貨充斥,卻價值不便宜。熱葷沒太多選擇,粥粉麵點心,pizza (幾款) & pasta (得1款, 仲要我煮無咁嬲),Fish & chips,薯條無難度,卻一入口似食咗一口鹽。花雕蛋白蒸蟹鉗及片皮鴨叫做比較合格,後者也不及Alexander House 北京樓。另一款不錯的就炭燒咖央多士。更好笑係,食食下,我食緊,個侍應突然想收我隻碟,重點,我隻碟係half full !咩事!?

好,甜品,知我者知我一向高要求,畢竟自己十多年餅齡。但坦白講,我也不會亂投訴,因為清楚明白一分錢一分貨。只可惜The Market 的甜品嚴重跌watt,一,一出升降機已聞到榴槤味,我不討厭榴槤,但當盛產榴槤的星馬泰酒店也開始酒店禁榴槤時,本港酒店餐廳是否該考慮將此系列轉為季節性或階段性供應? 還是擺明車馬不歡迎討厭榴槤的客人、老外入住?二,為何甜品區不供應dessert fork/ spoon 只有杯裝糕適用的膠雪糕匙? 7 仔嗎? 如果甜品區只有雪糕供應,我接受。問題是大家都知The Market Dessert Corner 內有不同餅類、mousse等等。好,我去問

「唔該有沒有dessert fork?」,在整理甜品的姐姐O咀,答我

「有膠匙呀!」頂!鬼唔知呀? 我盲0架? 唔係叫我用main course fork 下嘛? 之後叫我問樓面,樓面答,

「甜品叉呀?」 我心諗,洗唔洗google translate呀?佢勢想行埋Dessert Corner 問,我搶答:

「你D同事叫我問樓面。我坐corner 位(指一指),唔該!」之後返埋位。

終於2分鐘後拎嚟。甜品部分係keep 到水準(燉蛋、果凍、brownie),但最基本sponge cake 都沙紙咁,想點? 頂癮係,老公竟然味精敏感!中菜味精重手,我明,酒店level 味精重成咁!?

有圖為證:打單時間及碌卡時間

10分鐘後,3點59拎單嚟叫找數,Buffet official hour 係3點至5點半。咩事!?都算。老公俾Credit card,拎張card 遊街,4點52分先碌卡,老公工作關係一向職業病,你一個鐘拎咗張於去做咩都得啦!食個lunch都係一小時咋!All-You-Can-Eat 做法係一坐低碌卡,你咪唔洗keep 個客張卡咁耐,一係你分批碌,我亦不相信得一部卡機。老公已經投訴做咩拎張卡去咁耐,無!反!應!無對唔住更莫講一句多謝,我去藥房買18蚊支漂白水都有一句多謝呀!跟住,我地發現個經理企門口全程吹水吹到同下屬掐膊頭,NO WONDER!

如果呢度係老麥,我接受,如果呢度係茶記,我都接受,你收我大拿拿三百幾銀per head仲要人訂位落deposit你俾D咁嘅質素我?

作為校友,愛之深,責之切!我寧願落樓下GREEN 咯!

作為本地品牌,公關點出面撐LGBT 都無用,連餐廳基本服務質素都無,仲覺得LGBT 群會幫襯? 唔係唔知LGBT 群先係最講求錢要洗得爽下嘛? 向BKK D 酒店學下嘢啦!仲話自己的香港自己救,連基本香港人要求也做不到,講咩?

 

好人難做

十月 10, 2016

​自新居有自來狗,B.M.怕狗變得有進步,只要唔lam 我都ok,亦多咗關心狗狗社區新聞。

關乎流浪狗,如果不在民居有善心人餵食,我係舉腳贊成。只不過今日目擊一件事,令我覺得有時少部分愛狗人士太過好心做壞事。
話說剛倒好狗糧,未食哂,我煮飯中,有女人路過大閘,狗狗見陌生人自然跑去喪吠,那女人竟然往鐵絲網塞有紙托的麵包餵食,係一袋,而坊間有紙托嘅麵包大部分有餡。
我立刻忍不住大喝,「唔好餵,我地有餵狗糧,惹老鼠!」佢先窒一窒急步離開。
鄉村地方有老鼠係村民教,亦親眼見過,我見過,我真係見過。我地餵狗都改咗習慣。以前長期屋外放狗兜,依家1小時內收番入廚房,免得惹老鼠同雀仔(你見過喜鵲白鴿食狗糧未?我見過,我真係見過。)
大佬呀!你好心餵食就餵自己屋企幾隻!出面流浪狗你餵ok 喎!你喺我大閘塞人食d麵包入嚟狗唔食惹老鼠係影響我地閘內幾家呀!一係你直接告狗主虐蓄!我拍爛手掌支持都嚟唔切!
我地餵都係盡人事,我無道理接管所有責任。d仆街狗主就係俾好心多事嘅愛狗人仕縱出嚟。有人分擔責任d狗仍然幫佢看屋why not?教育?溝通?佢只會話你多事。試過一入閘,狗主小學雞少主大聲由屋入面嗌d狗,「你主人返嚟啦!」嘩!我撞聾入咗屋老公話番我知咋!狗主小學雞少主可以咁講嘢,家教有幾好你估都估到。
我地只能寄望佢俾天收,有時,真係愛莫能助!

#好人難做

#支持領養

#圖文不符系列

FB: https://www.facebook.com/bakingmaniac.bm

奶茶

七月 4, 2016

新居鄰居有七隻唐狗,三大四細。B.M.一抵埗就好鬼驚,因為突然被成群狗圍,三隻成年唐狗仲要好鬼大隻。第一次見面,四隻BB的確好可愛。大黑狗混啡色母狗,生了兩隻小黑,一隻啡色,一隻黑混啡,後者兩隻最靚仔,第一印象最好,老公替啡色的改名為奶茶,黑混啡就叫鴛鴦。另外兩隻少蒲頭。

image

狗群每朝會走過來吃早餐,而我地發現佢地同流浪狗無分別,污糟又唔剪毛,更唔好講梳毛,大狗毛茸茸一舊舊。狗仔腳沾滿泥。最匪夷所思係不在自己家開餐,卻走來鄰居家開餐。狗主究竟係咪養狗的?

奶茶跟我同老公特別有緣,每次我地出現,佢就出現。朋友別緻送來多出的狗餅同刷牙骨,我地就試著俾奶茶食,哈,餅係分幾次食,刷牙骨吼都唔吼。

image

第一次見奶茶,頭茸茸

之後由於業主要清雜物,放棄餵狗,只淨一個裝水兜,水係無換過,咁啱第一次餵奶茶食狗餅,佢竟然跑去雜草叢,以為佢食草,我觀察後就發現係揾水漥飲水,再望一望,原來水兜被運裝修泥沙的泥頭車擋住,幾日無換水!天呀!立刻叫老公換水,果然被我估中,想飲水!一兜水,竟然吸引成群狗來飲水。。。究竟狗主識唔識養狗?三十幾度人都渴啦!

image

伸脷奶茶係上星期餵完狗餅的樣,終於識笑,卻越來越瘦,又污糟。

後來仲俾我發現,奶茶竟然我家垃圾袋,叼走我用來拜四角的燒鴨頭,扒在一旁吃得超滋味。一隻狗要幾餓才有此行為?狗主真係超衰!

上星期終於遇上小主人過來打招呼,小朋友唔講大話,立馬問有冇餵狗幫佢地沖涼。淡然告之剛死了一隻大狗,兩隻小黑送人,奶茶叫阿Mui, 娘到呢,鄉下妹咁。而鴛鴦則叫四眼仔。大黑叫Rocky,狗媽叫Kiki。有餵狗,間唔時幫佢地沖涼。

最後決定,會幫手餵奶茶,係,我地偏心,唯奶茶單拖來,就俾奶奶烘乾的雞肉俾佢食。一家來就無,只俾業主準備的狗糧,因為老公投訴試過上班被攔路,估因為無早餐食,且一出現新居就喪吠。

image

奶奶準備的烘雞肉

有奶茶,家下每次路過,都會擋住佢阿媽圍我,半夜竟然從屋企偷走守我地門口!所以,我地決定餵埋鴛鴦。

我煮飯,奶茶就趴喺廚房門口,乖到呢!

image

image

依家進化到我地在屋內,佢都趴在門口睡覺。

image

小小恩惠,換來這樣的回報,可是,人呢?所以遇上好狗主真係做狗好過做人~